လူတွေရဲ့ စိတ်အခြေခံသဘောတရားများကိုလေ့လာပြီး လူတွေကိုဝယ်သူတွေဖြစ်လာဖို့ ဆွဲဆောင်နိုင်မဲ့အဆင့်လေးဆင့်

AIDA Model ဆိုတာ လုပ်ငန်းရှင်တိုင်း ဈေးကွက်ချဲ့ထွင်ရေးနဲ့ ရောင်းအားမြှင့်တင်ရေးမှာ လွယ်လင့်တကူနဲ့ ချမှတ်ထားတဲ့ ပန်းတိုင်ကို ရောက်နိုင်ဖို့ ကူညီပေးတဲ့ Marketing Formula ပဲဖြစ်ပါတယ်။

AIDA က လူတွေရဲ့ စိတ်အခြေခံသဘောတရားများကိုလေ့လာပြီး လူတွေကိုဝယ်သူတွေဖြစ်လာဖို့ ဆွဲဆောင်နိုင်မဲ့အဆင့်လေးဆင့် ဖြစ်တဲ့အတွက် လုပ်ငန်းတခု အောင်မြင်ဖို့အရေးပါတဲ့ Marketing Funnel တခုပါ။

1.Awareness (or) Attention - လူတွေကို သတိပြုမိသွားအောင် အရင်ဦးဆုံးလုပ်ဆောင်ရပါမယ်။ မိမိထုတ်ကုန်ကြော်ငြာများကို ထိထိရောက်ရောက်အသုံးချပြီး လူတွေရဲ့ အာရုံစိုက်မှုခံရဖို့ အရေးကြီးပါတယ်။ - Facebook, Tik Tok စတဲ့ Social Media Platform များမှာ ကြော်ငြာများတင်ခြင်း၊ - YouTube များမှာ Video များတင်ခြင်း စသဖြင့် နည်းလမ်းအမျိုးမျိုးနဲ့ Platform အမျိုးမျိုးပေါ်ကတဆင့် လူတွေရဲ့ အာရုံစိုက်မှုကို ရယူလို့ရပါတယ်။

2.Interest - အာရုံစိုက်ခံရခြင်းမှာပဲ ရပ်တန့်နေလိုက်ရင် ဝယ်သူဖြစ်လာမှာမဟုတ်ပါဘူး။ စိတ်ဝင်စားခြင်းခံရအောင် ထုတ်ကုန်ရဲ့Information များကို လှပသေသပ်စွာနဲ့ လူတွေကို ချပြနိုင်ပြီး သူတို့ရဲ့ ပြဿနာများကို ဖြေရှင်းပေးနိုင်ကြောင်း ပြသရပါမယ်။ လူတွေကစိတ်ဝင်စားတာနဲ့ - သင့် Facebook Page ဒါမှမဟုတ် သင့် Social Media ကို Like & Follow လုပ်သွားခြင်း၊ - YouTube ကို Subscribe လုပ်သွားခြင်း၊ - ကြော်ငြာပိုစ့်ကို Save လုပ်သွားခြင်း စသဖြင့် သူတို့ရဲ့ Interest ကိုပြသကြပါလိမ့်မယ်။

3.Desire(or Decision) - စိတ်ဝင်စားရာမှ မိမိထုတ်ကုန်ကို လိုချင်လာအောင်၊ ဝယ်ယူဖို့ ဆုံးဖြတ်ချက်ချနိုင်ဖို့ဆိုရင် တခြားထုတ်ကုန်တွေထက် ဘာတွေပိုကောင်းသလဲ၊ ပိုထူးခြားသလဲ စသဖြင့် Product's Value ကို တိတိကျကျ ချပြနိုင်ရပါမယ်။ ဘာလို့လဲဆိုတော့ စိတ်ဝင်စားရုံနဲ့ သင့်ကိုရွေးချယ်ဦးမှာမဟုတ်ပါဘူး။ Review များ၊ တခြား Product များကို လိုက်ရှာပြီး နီးစပ်ရာလူတွေဆီက Recommendations တွေအရင်တောင်းကြဦးမှာဖြစ်တဲ့အတွက် သင့်ထုတ်ကုန်ကို ဝယ်ယူဖို့ သင့်ဆိုင်မှာဝယ်ယူဖို့ ဆုံးဖြတ်ချက်ခိုင်လုံလောက်အောင် ဆွဲဆောင်နိုင်ရပါမယ်။

4.Action - ဆုံးဖြတ်ချက်ချပြီးတာနဲ့ တကယ် ဝယ်ယူဖို့ တိုက်တွန်းရပါမယ်။ မိမိထုတ်ကုန်ကို မဝယ်ယူရင် နောင်တရသွားစေမဲ့ အတွေးမျိုး တွေးသွားစေဖို့ လုပ်ဆောင်ရပါတယ်။ ဒီအဆင့်ကို Call To Action လို့လည်းခေါ်ပြီးတော့ - Promotion ချခြင်း၊ - လက်ဆောင်များပေးခြင်းစတဲ့ နည်းလမ်းအမျိုးမျိုးကိုအသုံးပြုနိုင်ပါတယ်နော်။

ဥပမာလေးအနေနဲ့ သင်ကသာ Fashion ဆိုင်တဆိုဖွင့်ထားတယ်ဆိုရင် ဒီ AIDA ကိုဘယ်လိုအသုံးပြုမလဲ ပြောပြပေးသွားပါမယ်။

Awareness ရယူဖို့ "2023 Summer Fashion Trend များ" "---တထည်ရှိရုံနဲ့ နေ့စဉ်ဝတ်နိုင်မဲ့ Daily Wear Outfit များ" Interest ဖြစ်စေဖို့ "သင့်ရဲ့ Body Shape က ဘယ်လိုမျိုးလဲ ပိုင်းခြားပြီး ကိုယ်နဲ့လိုက်ဖက်မဲ့ အဝတ်အစားမျိုးကိုရွေးချယ်လိုက်ပါ" "ကိုယ့်ရဲ့ Color-Tone ကိုသိကြရဲ့လား" Desicion ချသွားစေဖို့ "အဝတ်အစားဆိုရင် ကျွန်တော်တို့ဆိုင်မှာ Size, Color, Design မရှိဘူးဆိုတာမဖြစ်စေရဘူးနော်" Action ပါလာပြီး ဝယ်ယူသွားစေဖို့ "----ဖိုးဝယ်ယူတာနဲ့ Deli Free မလို့ အခုပဲဝယ်ယူလိုက်ပါ" ဒီလို ကြော်ငြာစာများ၊ Post များကို သေချာခွဲခြားပြီး သူ့နေရာနဲ့သူ အသုံးပြုတတ်ဖို့လိုပါတယ်။ ဒါဆိုရင်တော့ အားလုံးနားလည်ကြလောက်ပြီမလို့ အောင်မြင်မှုတွေ တသီတတန်းရယူနိုင်ဖို့ အခုပဲ AIDA Model ကို လက်တွေ့အကောင်ထည်ဖော်ပြီး Marketing ချဲ့ထွင်လိုက်ပါနော်။