ဆိုပါတော့ ကျွန်တော်တို့ဟာ သစ်ပင်တပင်ခုတ်ကြမယ်ဆိုရင် အဲ့သစ်ပင်လဲသွားတဲ့ထိခုတ်ဖို့ တနေရာကိုပဲ တသမတ်တည်း ခုတ်မလား။ မတူညီတဲ့နေရာတွေကို တစ်ချက်ချင်းလိုက်ခုတ်မလား။ ရှင်းပါတယ် တနေရာကိုပဲ သစ်ပင်မလဲကျမချင်းခုတ်မှာပါ။

ဒီသဘောတရားကို Consistency ရှိတယ်(တသမတ်တည်း ပြီးဆုံးသည်ထိ ရောက်အောင်သွားတယ်)လို့ ခေါ်နိုင်ပြီး ဒါကိုလုပ်ငန်းရှင်အပေါင်းက ခေါင်းထဲရိုက်ထည့်ထားရပါမယ်။ လုပ်ငန်းတစ်ခုအောင်မြင်ဖို့ ခက်ရတဲ့အထဲ Consistency မရှိတဲ့သူအဖို့ဆိုရင် ဆပေါင်းတိုးပြီးတော့ကို ခက်ခဲပါမယ်။ ဒါဆိုရင် Consistancy ကိုဘယ်လိုမွေးမြူရမလဲ?

လုပ်ငန်းက စတင်လိုက်တာနဲ့ တသက်လုံး စွဲစွဲမြဲမြဲလုပ်ဖို့လိုအပ်ပါတယ်။ ခဏတာ လုပ်မယ် ပြီးရင် ပျင်းရင် ရပ်လိုက်မယ်ဆိုရင် ဘယ်တော့မှ အောင်မြင်မှာမဟုတ်လို့ စီးပွားရေးမစခင်တည်းက ကိုယ်တကယ် ရေရှည်စိတ်ပါမဲ့ လုပ်ငန်းကို ရွေးချယ်ထားဖို့လည်း အရေးကြီးပါတယ်။

လုပ်ငန်းတိုင်း အစပိုင်းက အရှုံးခံရပါတယ်။ရှုံးတဲ့အခါမှာ ကြံ့ကြံ့ခံထားဖို့အရေးကြီးပါတယ်။ ခုရေတွင်းတူး ခုရေကြည်သောက်ချင်လို့မရပါဘူး။

Consistency ရှိလာတာနဲ့အမျှ လုပ်ငန်းလုပ်နေရခြင်း ကြိုးစားနေရခြင်းက အကျင့်တစ်ခုလိုဖြစ်လာပြီး ကြာလာတာနဲ့အမျှ မလုပ်ရမနေနိုင်တဲ့ အကျင့်ကောင်းတစ်ခုကိုဖန်တီးပေးပြီး ချမှတ်ထားတဲ့ ပန်းတိုင်တွေစီကို အရှိန်အဟုန်ပြင်းပြင်းနဲ့ သွားနိုင်မှာဖြစ်ပါတယ်။

Consistency က Motivation ထက် အင်အားပိုကြီးပါတယ်။စီးပွားရေးလုပ်တဲ့ လူတွေအများကြီးထဲကမှ အောင်မြင်နေတဲ့သူတွေ လက်ချိုးရေလို့ရတဲ့ကိစ္စက Consistency မရှိဘဲ လမ်းတဝက်မှာတင် ကောက်ရိုးမီးလို ရပ်တန့်သွားကြလို့ပါ။ ကျွန်တော်တို့ Passion မှာဆိုရင်လည်း လုပ်ငန်းစဖို့ Logo တွေ Design တွေ လာအပ်ကြပေမဲ့ တချို့က ဆက်မ Run တော့ဘဲ နှစ်ရှည်လများ စွဲမြဲလုပ်နေတဲ့သူတွေကသာ ကျော်တက်သွားကြတာကို မျက်ဝါးထင်ထင်မြင်တွေ့ခဲ့ရပြီးပါပြီ။

ဒါကြောင့်မလို့ ပထမတစ်ချက် အရေးကြီးဆုံး Consistency ရှိပြီးတာနဲ့ နောက်ကနေ စိတ်ရှည်သည်းခံခြင်းကလိုက်လာရပါမယ်။ ပုံမှန်သာကြိုးစားနေရင် အချိန်တန်တာနဲ့ သိသာထင်ရှားတဲ့ Result ကိုမြင်တွေ့ရမှာပါ။

Online Business သမားများအနေနဲ့ Page မှာ ပုံမှန် Active ဖြစ်နေဖို့၊ Product Quality ကို တသမတ်တည်း ထိန်းသိမ်းထားနိုင်ဖို့၊ Customer များကို လုပ်ငန်းစကတည်းက ဆက်ဆံသလို တပြေးညီဆက်ဆံဖို့ စသဖြင့် အဖက်ဖက်က Consistency ရှိနေဖို့ Road To Passion မှ အကြံပြုလိုက်ပါတယ်ခင်ဗျာ။)